dini tanah diindik, dia meh langit disagu. aku anak menua ulu, teleba malai luchak nyenggulai lutak. aku anak urang rumah panjai teleba merinsa, enda minta, ngiga, masai jarai makai nyamai.

Ngili Sungai Rejang, ka pulai ke rumah panjai.

Tu meh dikangau urang sekayu ai Menuan pun ensurai bebini. Nyelai endar ga kayu tu baka ke nemu rinduka pangan diri. Beberap empikap, siku ba tanah berai kanan siku mua ke kiba.

Ngetu matahka lengan ba rantu jalai. Nasit ai bisi kembai, enda bebatak kami sebuat. Ai chelum nya enda tau tinggal. Kena ngangatka isi you you.

Rindu amai meda rampa menua ulu sungai. Likun dalam kandang dada. Nadai ngelui ari pemanah utai digaga Petara.

Begelumu enggau bala diri petunggal, aya ibu, aki ini ti lama udah enda betemu. Taja kitai enda kaya enggau pengeraja, anang seranta enggau pengerindu sereta penyayau. 

Tanju. Alai rakyat rumah panjai bejembuika padi, gari enggau ti bukai. Mega alai ngereja mayuh macam pengawa besari-sari.

Sekula alai aku keterubah besekula menya. SRB Sungai Menuan. Primari 1,1996.

Bilik tengah. Bedau diseruri & 'make-over' wai. Agi ngena kayu.

Bilik tengah ti cukup besai. Peda kita tiang TEBELIAN nya. Ari taun 1991 iya udah dedegi dia nyadi tungkat ngetanka sadau, kasau. Aruh ya kitai Iban udu besemaka urang tuai ke agi kering baka kayu tebelian. Taja umur ka negu adan, tang penegal ngumbaka tebelian.

Mr. Makup tukang sayat, tebang, tumbang lumur satu. Tinso@chain saw utai kayam ya aja nya. Haha.

Ngetu belelak narit seput enda lama. Tinso abis minyak, mensia nemu meh ikak.

Beangkutka pasir dikena nyimen enggau pengawa ti bukai.

Kita ke jadi melaki bini, tusun bata anang kelalu tinggi wai. Tau ninding tang anang bangat kelalu, ngujungka pangan ngiga baru. Dinding rumah tinggi nadai ngawa.

Nyeruri kasau ke lama, nangika udah luya.

Gawa enda betatak jam nadai ngantung tulang. Amat bagas kitai rumah panjai. Padam mata panas, ganti enggau lampu ruas, lampu fluorescent ku ribai. Ai siti nya enda tau pungkang, ngambi tegar tulang. Haha.

P/s: Tu meh pengawa nyeruri/ngerepair rumah panjai aku ba Rh. Unja Sungai Menuan Kapit. Bisi purih pantih urang Menuan ditu kini? Nyadi rumah kita kaban? Tau ditiki kini? Nadai empang nadai tagang kini? Agi ngena cara lama tauka nunda anta ke baru? Aku rindu agi rumah cara lama kelia. Lebih nostalgia & nilai sentimental tinggi lagi munyi ku Laut. Taja pia, anang muai rumah panjai kitai wai menyadi. Penatai asal, bilik penaik kitai nya pun pengidup aki ini kitai kelia. Kitai nembiak rebak baru pan mayuh ada ari rumah panjai. Udah besai pulai ke nenggeri tang ati mengkang angkunka rumah panjai. Ba rumah panjai kitai ulih belajar mayuh macam utai. Penemu, main asal, pengawa sereta cara begulai enggau urang bukai. Begulai begempung, enda ngira diri aja. Leka ke naka tu dulu au kaban. Bisi awak aku nampung baru.