"enda rugi urang ke manah budi, enda untung urang ke jai ati".

Jerita Pangking Mit Ibur jam 3 pagi, ensugau ku angkat dani, mata agi belala, bekimbitka panggal luncung mua, bebungkur enggau pua, agi deka ngapuska mimpi, memekang enda teantika tawas pagi. Udu ngasi ga tunjuk jari malam tadi, untak mansut, mulut minta saup, disangkung ulih patung, 20 jam pengelama, isakku ngipakka pengelelak, enda ngawa, lagu udu laku, mayuh urang nemu, mendingka radio ninga FULL SONG, ke udah nemu belagu, ke baru ngensung, pengerindu ari pangking mit, enda laka ruang sempit, engka tau mai ringgit, menang pekit, ada ari bilik mit. Enda besemaya aku badu, enda bejanji aku ngetu, enda nginsit, isa' seminit, buah penemu bejarit, penatai ngenyit, awak keh tubuhku tebasau, ku enda ibau, tiun ku lenyau, nya ngasuh irau, buah penemu mayuh agi ari jam, tang, there's never enough time !!! enti lagu tembu, tubuhku layu, ulah nyau tuyu, enda ku ensayau, ka iya jugau, lak mamau. Aku ka nyadi LAGENDA, baka...

Coup d'etat Ngerekaika kuasa ngena jalai emba nyaguka nama ngena cara KUDETA ngelekatka pangkat ngena senyata mansang ke panggau enda dikangau ngandak ke ruai digiling tikai. Perintah kukut besi, tampak berani dikelingi MILITARY nukangka rang kering penemu, bala sedadu meruan begempuru ukai pengari ke dichiri ari sistem DEMOKRASI ukai menteri dipadu 5 taun sekali bekuasa laban TEKNOLOGI ukai ari undi lebuh ari POLLING salah cunting niki pan ari GE makai duit kupi nupi KRONI. Rakyat ngikak diri mayar gaji menteri betali pinggang ke utang ka bejalai ditatak singkang belajar tinggi ngicing gaji besai ngaga PASSPORT mansau ke menua bukai utang pelajar tinggi aku lalu apin LANGSAI!!! ditekat bala Immi kumbai sida rari ti kena dawa akta 302 raun ngelingi dunya!!! ngambi reta rakyat meli bangkung Equa!!! semaya Julai satu lima, alu enda-enda geruna cura burak nadai temu tunga. Sida, Tuai enda tau dikenggai Tuan enda tau dilaban silap jaku karung tama rumah pasung jaku bantah nyad...

Jalai pengidup tiap iti ruang bilik enda sebaka, ibun manah kaul enggau bala ke meruan berundang & begulai enda ngira maya senang tauka tusah. Diri sebilik enda jauh nyema baka dan kayu. kitai enti udah tuai besai idup bebida adap tunga, tang akar datai ari benih asal ti sama.   Tuchum anang kurang, engka nya tangkup ke pemadu engkeman kena ngelalaika penusah ti betatam di dada.  

Suba aku jeragan kapal besai, Bekepai urang minta bai, Beraban ka enggau nepan, Enda nangi karam, enda betatika tenggelam. Diatu aku semina merau, Ati sida dibap pengirau, Sida buyan takut tepejuh ke lebuh, Rawan dalam enggai sama bekayuh.

Original song Sad Love Song by Cho Eun. Cover by Georceon George Kumangku mina nuan siku Beraie ati ditinggalka sulu pegi Dikenang pan nadai temu rita agi Nama meh penyalahku kempang nuan ambai asi Badu nuan ingat leka jaku sempekat Kepenudi janji nuan ngagaiku, ingat Begulai sama tua di dunya di serga Andal ngapa ngasuhku asa Pegai jariku nuan leka Puntan perambu juluk ati tua Kempang amai nuan dara Beketas tali semaya Enda kala ku nyangka Janji tua nyadi ampa Badu aku besulu Kumangku mina nuan siku Dinga meh sada nyawaku belagu Nyabak, enda teumbukka nuan pulai Ku rintai leka pantun nyambut nuan datai, Selatan atur Petara di dunya nasit tua nadai, Di serga ila nuan penggiku ambai... P/s: Lagu asal ianya Sad Love Song dibai Cho Eun tu siti lagu ti cukup sinu. Enti kita meda video klip iya, engka enda berasai belai igi mata. Hehe. Aram kitai sama berati sereta meretika leka lagu tu dalam versi jaku Iban ga auk kaban. ...

Original song Sarang Surowo by Kim Jong Kook @ The Sparta Manah Gamal Enggau Ati Nuan bajik ari punjung pala ke ujung kaki, Nuan meh indu ti nyadi juluk ati lelaki, Nadai urg enda muji mega nadai urg begedi, Manah ba gamal enggau ati. Bisi sekali ku mansa nuan sulu, Nuan tuchum ngagai aku, Aku ngelinsum malu, Enda tepansutka jaku Lebuh nuan merening mataku. Sebedau tok ariku nadai pengelantang, Baik malam tauka siang, Penatai nuan kumang mai penerang, Baka urg ti tau tepang. Taja pendiau tua enda sebaka, Bida pangkat enggau pengeraja, Ku bejanji enda masau pengidup tua, Diatu nyentuk jemah ila. P/s: Siti ari cover song ke bisi digaga aku kaban. Ngena leka lagu ti ditengkebang aku empu. Siti ari pengerindu@hobi@minat aku iyanya begagaka tiun enggau leka lagu. Bisi peminat lagu Sarang Surowo ke dibai Kim Jong Kook ditu kini? Anang ngeransi wai menyadi enti aku ngaga cover lagu iya auk. Dikena kitai begagai aja wai. Arap ...

Tabi semua pemaca, sekali tu aku deka bekunsika siti pekara ti 'besangkut paut' enggau teknologi. Utai ke deka dikunsika aku ianya siti perengka moden & elektronik ti suah dikena kitai besari-sari ianya External Harddisk tauka tampak agi disebut External. Nemu ke enda kita kaban, kitai ulih ngaga external harddisk kediri empu? Tentu bisi sekeda bala kita enda pecaya. Kitai ulih ngaga external harddisk kediri empu ari internal harddisk ke dikembuan semua komputer riba tauka laptop. Enti nyema kita bisi laptop   ke udah jai @ enda ulih direpair agi, anang lalu muai iya. Uji buka kita ba bahagian belakang tauka tisi laptop nya. Enti bisi, buka kita kerubung ke nutup lubang alai engkah internal harddisk nya lalu pansutka harddisk nya tadi. Anang saru auk. Enti harddisk nya agi ba dalam laptop iya dikangau urang internal harddisk lalu enti udah dipansutka iya nyadi external harddisk meh. Hehe. Internal harddisk ti dipansutka ari laptop jai/lama. S ambung baru. Udah ki...

Ngili Sungai Rejang, ka pulai ke rumah panjai. Tu meh dikangau urang sekayu ai Menuan pun ensurai bebini. Nyelai endar ga kayu tu baka ke nemu rinduka pangan diri. Beberap empikap, siku ba tanah berai kanan siku mua ke kiba. Ngetu matahka lengan ba rantu jalai. Nasit ai bisi kembai, enda bebatak kami sebuat. Ai chelum nya enda tau tinggal. Kena ngangatka isi you you. Rindu amai meda rampa menua ulu sungai. Likun dalam kandang dada. Nadai ngelui ari pemanah utai digaga Petara. Begelumu enggau bala diri petunggal, aya ibu, aki ini ti lama udah enda betemu. Taja kitai enda kaya enggau pengeraja, anang seranta enggau pengerindu sereta penyayau.  Tanju. Alai rakyat rumah panjai bejembuika padi, gari enggau ti bukai. Mega alai ngereja mayuh macam pengawa besari-sari. Sekula alai aku keterubah besekula menya. SRB Sungai Menuan. Primari 1,1996. Bilik tengah. Bedau diseruri & 'make-over' wai. Agi ngena kayu. Bilik ten...

Nemu utai tu kita kaban? Nama guna utai tu? Sapa kita ke nemu tau madah/komen au ngambi bala bukai bela nemu magang.

 SK Nanga Bena di"ambu" perintah nyadi Sekolah Angkat 1Malaysia Sekeda ari gambar kandang sekula SK Nanga Bena SK Nanga Bena Jenuh aku ngumpul buah runding ke baka dibubuh labuh, Jeman nyau berebinan nepan ba kerungan kerubung pala, Ngerawang jalai ngenang maya agi besekula menya, Di Sk Bena menua linda menua mayuh pupu bansa, Tang ukai mensia; bansa kayu bansa jelu, Menua lindap menua celap, Dedegi kayu tinggi ngelindung ngerayung. Taun 1998 misah ari SK Bawai nitihka pengawa apai, Tubuh tujuh mudik ai Balleh apai deriba nadai nyilih, Nepan bangkung bandung perau panjai, mudik pagi datai lemai, Menua baru bebida asai, rampa siga mimit nyelai,  Empai ngelala urang bempu menua rakyat rumah panjai, Mina semalam dua berasai enda nyamai, Laban Iban sigi kur bekaul nyamai begulai, Bekelala pagi, merarau bela kunsi,  Ari beganti minggu, bulan nyadi taun, pengerindu bekaban tan bejeman. Sekula B...

nuju kita ke besulu/bepangan antara menua, anang leju ngitung ari, makin mayuh ditiap makin damping alai ka betemu. Lengayun Asi Pulai meh nuan kitu sulu badu pegi Ninggalka palan tua ngemunka pengerindu Enggai ku diuji enggai agi nangi Chukup ku ditepan pengerawan diundan Maya ku betengapka sulu Nama nuan aja nugu ba mulutku Maya ku disengkabung sunyi Mina tungguk aja nampilku bedidi Kusang atiku tinggal kediri Ni lengayun asi alai ku meraya Penguang atiku nadai di tisi Nyingkang meraka tasik bebida menua Puang atiku diruntun sunyi Ni lengayun asi alai ku sebana Pebayu asiku nadai di tisi Ngejang meraka Tasik China Selatan Boleh dengarkan lagu Lengayun Asi di: https://www.facebook.com/gj890/videos/1941689235845903/ Kredit Gambar: InduIban90

Gambar grafiti Tok Nan ba flyover Jalan Satok  Tok Nan Enti aku tegigaka Ini Inda Rabung Menua, Deka aku ngasuh iya ngadaka nuan ari kelitak darah mensia. Enti pengada nuan baka Raup Gama menyadi Bintang Muga, Deka aku ngasuh Raja Petara negah nuan ngambi ngeleda. Enti pun pengidup nuan ari perecik api, Bejalai meh aku nyidi Dayang Racha ba selampur nenggeri. Enti pemati anak Engga disili enggau Berauh Ngumbang, Deka aku nguang ke sebayan betemu enggau Lulung seduai Kumang. Tang utai udah nyadi, Naka tu aja nuan begulai enggau kami, Lama Petara udah nganti, Meri awak ke nuan ga belelak gali, Semengat nuan angkat melah langit tinggi, Kami ba baruh semina ulih besampi, Kemataka meh tanah kami, Tela, peda meh menua kami. Sapa ke nyadi ganti dipinta sama pemerani, Tauka lebih ransing agi, Laban menua kitai tu suah enda dikenati, Perintah besai balat beciping ati, Ngicaka tuai ke baru enda alah dikemeli, nitihka tunjuk jari gerempung dacin simpi, Tuai ke udah rebah mai may...

seagi iya empai nyadi, sagam ati tau dikumbai MIMPI!!! Pemulai aku Enti aku pulai malam tu, Ngarapka pagila agi tawas banchak mata panas, Anang nejuka sida begama dalam petang, Semina nawing ngaling kemayang. Enti aku pulai malam tu, Ngarapka bulan agi terang bebendang, Mansi pemetang magi penampak, Nguluka aku kediri melunggang ke sepiak. Enti aku pulai malam tu, Ngarapka nadai burung begagaka empang, Diujakka pelepa tanda tagang, Telabuh ku bediri di tengan andau, Kapa enda ngapuska awak ke bedau. Enti aku pulai malam tu, Barang keresa aku tinggalka kita, Enda ku minta dibekalka perengka, Kelambi aku taruh dalam 'bik', Enggai ku ngemai gari sechebik.