Badu nandu hari lebuh kitai ngasaika diri ngelusu!

Badu nandu.

Engka bakatu mih pengujung ya,

Pintu pengarap ditikup rapit,

Penampak enda ulih enselit,

Ke dalam runding sempit,

Udah suah ga nguji,

tang enti semampai bakatu,

engka pemada dek nandu?

Pagila matapanas mantaika mua baru,

enda ya kala leju naing dunya,

Kita pan sama meda, semampai ngasaika ya,

ari kelia menya nyentukka saritu,

taluk ke dunya, ayan belama.

Ukai baka kitai, aku!

Enda tegenggamka semaya enda badu ngapa,

Pengarap semampai bisi,

Seagi kitai deka nguji,

Kering ati,

Ransing berari.

Badu nandu hari lebuh kitai ngasaika diri ngelusu!