Kitai Iban baka pun kayu, asal kitai ari siti pun saum batang semina dan kitai nyimpang ke bukai.
jako tuai
sempama....
Diri serumah tu sema ka jaku dikumbai kitai 'diri menyadi'. Nama kebuah? Laban dudi dulu sida tu mih orang ke ngesah kitai lebuh maya bisi suntuk sendat, maya kitai merinsa maya mensena. TANG, dalam kitai ke idup betampung perabung tu bisi mega spesies 'BINGKING'.
BINGKING tu datai ari ati ke enda rindu ke orang bukai, enda nerima pengurang diri empu, enda betatika ati enggau runding orang bukai. Enti bakatu, bakani kitai serumah deka beserakup enti ngembuan spesies tu dih? Nya alai, pekara ke deka dikenataika aku ditu iya nya: NAMA KEBUAH KITAI ANANG BINGKING!
1. Keterubah, pemingking ke bisi ba ati, runding enggau ulah kitai nadai mai penguntung. Nama kebuah? Laban nuan semina nerenak buah pemenchi orang bukai ngagai nuan. Enti orang benchi sereta enda rindu ke nuan, ka tau ka enda sida mantu nuan maya tusah tasah, maya merinsa mensena? Saut ya muntang, NADAI! Ambika chunto, ukai kitai ngajihka rangkang ngachuk mata au, enti kitai tinggang penusah rabat, mayuh pekara ke patut dikerundingka kitai baka empara lauk, numbak lubang pendam, nanjung bangkai enggau pekara ti bukai. Bah, enti nuan bingking bisi orang mantu nuan? NADAI!
2. Kebuah kedua iya nya pemingking tau ngujungka 'stress' dalam pikir enggau runding kitai. Kebuah pia laban enti kitai bingking, dia kitai tu ngembuan pikir tauka 'mind set' *nadai siku rindu ke aku tauka kami *kami serumah benchi ngagai aku. Pikir ke bansa tu mih ti mai 'stress' ngagai runding diri empu. Empas iya? Nuan makin enda rindu begulai enggau orang, nuan majak nerenak tangkai pengeringat. Tu mih ti ngujungka kitai iban kempang munuh pangan diri, enggau jaku ti bukai iya nya 'ngubat pangan diri'. Bah, ni enda pekara tu nyadi, laban pikir nuan enda kala meransang diri nuju prkara ke positif.
3. Kepenudi, nama kebuah nuan anang BINGKING iya nya pemingking deka munuh kaul diri serumah. Empas ari mayuh macham pekara tu tadi, dia kaul kitai serumah deka meranggang. Sayau tauka enda enti kaul kitai meranggang? Chukup sayau😓. Enti kaul tu enda diperapitka kitai dia pemingking deka menang. Tu ti suah ngasuh siti2 rumah panjai nya bepechah belah, enda seati, enda spenemu. Kati kitai ka mantaika siti entiti ke rat dih?
Simpul iya, jaku tu ukai dituju aku ngagai sapa. Munyi ku jaku tuai, ngajar nuan, ngajar aku mega. Tu semina dikena kitai ngingatka pangan diri kelebih agi pasal empas 'BINGKING' dalam diri serumah. Enti nyema apai indai tauka kaban belayan kitai enda betanya enggau diri serumah, kitai ke anak tu ga nanya sida yaa
Posting datas tu diambi aku ari FB menyadi kitai Ugik Jalit. Kita tau meda posting nya ba link di baruh tu. Disimpulka ngena jaku pandak, "kitai Iban baka pun kayu, asal kitai ari siti pun saum batang semina dan kitai nyimpang ke bukai."
Comments
Post a Comment