SK Nanga Bena
SK Nanga Bena
Jenuh ku ngumpul buah
runding ke bebiuh labuh,
Jeman berebinan inggap ba dan nepan kerungan kerubung pala,
Taruh dalam bup kerawang kenang maya agi besekula menya,
Di Sk Bena menua linda menua mayuh pupu bansa,
Tang ukai mensia; bansa kayu bansa jelu,
Menua lindap menua celap dedegi kayu tinggi nulung ngerayung.
Taun 1998 misah ari Bawai nitihka pengawa apai,
Tubuh tujuh mudik ai Balleh apai deriba nadai nyilih,
Nepan bangkung bandung perau panjai, mudik pagi datai lemai,
Menua baru bebida asai, rampa siga mimit nyelai,
Empai ngelala urang bempu menua rakyat rumah panjai,
Mina semalam dua berasai enda nyamai,
Laban Iban sigi kur bekaul nyamai begulai,
Bekelala pagi, merarau bela kunsi,
Ari beganti taun, pengerindu bekaban tan bejeman.
Sekula Bena kelia enda beberita,
Nanyi baka leka padi, nembiak ASSEMBLY semuti ke bisi,
Pegai pengajar Henry Mamut, sekula sekut cukup utai ke patut,
Mayuh penguji sekula ulu sungai,
Nembiak, pemakai sida jarai nyamai,
Ubi diparut, daun babas dibabut,
Enda mut-mut, pemandai ke diperebut.
Mindah tuai ke lama, ganti pengajar Christopher Kayan anak Buda,
Beduduk ari iya sekula seranta berinsur menyana,
Kaya enggau pemutus peresa ti nyulut,
Pansut di ujung mulut, terebai rita puput ribut,
Ditaburka ba TELEVISION seduai radio,
Bulih bantu GOVERNMENT seduai NGO.
Bisi pun bisi mega ujung,
Baka buah cukup tuai tingkil meh ari gupung,
Atur sida perintah Seri Paduka Agung,
Peneka ngatur gerempung,
Apin tembu pengawa tuai ke dudi, ditandu pengajar Jonedi,
Bala pengajar meruan intu, PIBG seau sejaku,
Kaul kur, rakyat enggau cikgu rindu begelumu,
Amai meh genara pengawa sekula, baka bintang enda alah kira ngena, tiap genap,
Tusah tau mudah, berat bela ngenyan nyadi lempung,
Bela besukung sama betulung, gawa gutung ruyung.
Bakanya meh teladan ke ngena,
Tau bechuntoka rakyat SK Bena,
Mit peda mata, besai jelai berita,
Beduduk ari atur ke betul, utai nekul ulih mujur,
Semua kunsi enda nengali, tubuh mayuh enda bechiping ati,
Siti penemu, siti tuju,
Nitihka singkang pemansang dunya kemaya hari.
Jeman berebinan inggap ba dan nepan kerungan kerubung pala,
Taruh dalam bup kerawang kenang maya agi besekula menya,
Di Sk Bena menua linda menua mayuh pupu bansa,
Tang ukai mensia; bansa kayu bansa jelu,
Menua lindap menua celap dedegi kayu tinggi nulung ngerayung.
Taun 1998 misah ari Bawai nitihka pengawa apai,
Tubuh tujuh mudik ai Balleh apai deriba nadai nyilih,
Nepan bangkung bandung perau panjai, mudik pagi datai lemai,
Menua baru bebida asai, rampa siga mimit nyelai,
Empai ngelala urang bempu menua rakyat rumah panjai,
Mina semalam dua berasai enda nyamai,
Laban Iban sigi kur bekaul nyamai begulai,
Bekelala pagi, merarau bela kunsi,
Ari beganti taun, pengerindu bekaban tan bejeman.
Sekula Bena kelia enda beberita,
Nanyi baka leka padi, nembiak ASSEMBLY semuti ke bisi,
Pegai pengajar Henry Mamut, sekula sekut cukup utai ke patut,
Mayuh penguji sekula ulu sungai,
Nembiak, pemakai sida jarai nyamai,
Ubi diparut, daun babas dibabut,
Enda mut-mut, pemandai ke diperebut.
Mindah tuai ke lama, ganti pengajar Christopher Kayan anak Buda,
Beduduk ari iya sekula seranta berinsur menyana,
Kaya enggau pemutus peresa ti nyulut,
Pansut di ujung mulut, terebai rita puput ribut,
Ditaburka ba TELEVISION seduai radio,
Bulih bantu GOVERNMENT seduai NGO.
Bisi pun bisi mega ujung,
Baka buah cukup tuai tingkil meh ari gupung,
Atur sida perintah Seri Paduka Agung,
Peneka ngatur gerempung,
Apin tembu pengawa tuai ke dudi, ditandu pengajar Jonedi,
Bala pengajar meruan intu, PIBG seau sejaku,
Kaul kur, rakyat enggau cikgu rindu begelumu,
Amai meh genara pengawa sekula, baka bintang enda alah kira ngena, tiap genap,
Tusah tau mudah, berat bela ngenyan nyadi lempung,
Bela besukung sama betulung, gawa gutung ruyung.
Bakanya meh teladan ke ngena,
Tau bechuntoka rakyat SK Bena,
Mit peda mata, besai jelai berita,
Beduduk ari atur ke betul, utai nekul ulih mujur,
Semua kunsi enda nengali, tubuh mayuh enda bechiping ati,
Siti penemu, siti tuju,
Nitihka singkang pemansang dunya kemaya hari.
Comments
Post a Comment