Rumah Unja Ulu Sungai Menuan, Kapit.

-
 Nemu kita utai nyelai ba gambar datas tu? Enda nemu? Uji peda lalau jematan nya. Sepiak apus digaga, lalu sepiak timpang, enda tembu. Mekang-mekang. Nyelai tang amat nyadi. Kati tau nyadi bakanya kitai pan enda nemu. Engka budget enda chukup tauka tama kambut tanchut.

 Nyadi 'Beruang' ke ba gambar datas tu ukai jelu tang nama urang. Haha. Nyelai tang amat bisi. 


Ba tengah laman bisi 'badminton court' alai bala nembiak bemain lebuh lemai ari. Lalu rumah ke beatap gadung sepiak court nya Taska.

 Nyelai kini? Kami di Ulu Menuan ngaga bata kediri enda bebelika batu bata ari pasar. Kebuah pia, pedis ka ngundan ya ngena perau kelebih agi enti ai langkang. Lebuh ai besai pan enda entu ulih angkut sekali batu bata ari pasar.

 Perau niang aki. Isi ya agi badas. Empai bisi ari nyeruri.

 Aki Sunan menyadi niang aki Liban (enda bebaju). 

 Langkau alai bebantaika barang lebuh datai ari pasar/umai/bejalai. Langkau tu mega nyadi bala mayuh begelumu lebuh lemai ari. Betusuika jerita pengawa besari-sari. Ukai 'membawang' ah hehe

 Chiru ai di Ulu Menuan. Tau alai betinjau.


 Petunggal aku ti sigat sereta mentas Mr. Nyalong, siku mensia ti chukup lempung tulang. Enda dikangau, mansang meh tudah tuai nulung nyaup ngereja.

Suba SRB Sg Menuan, diatu udah nyadi SK Sg Menuan. Taja jauh di entigis sungai, pengawa besekula semampai dikemeranka. Ditu meh sekula alai aku keterubah tama primari 1 taun 1996 kelia. Maya nya kelia pengajar En. Jacques Amot nyadi Guru Besar. Nyadi pengajar ke paling lama ngenanka penuduk diri ditu ianya Puan Mary AK Linting. Diatu agi meh iya ngajar ba sekula tu. Sapa kita kala diajar iya lalu besekula ditu anang enchadika tunjuk jari nya kaban. Uji kumin mimit. hehe

Comments

Post a Comment

Popular posts from this blog

Enti kita bisi pengelandik & penemu anang muntang ngetu, anang kakang ati nguji lalu deka badu. Pajak ke pejalai ngulihka penyamai. Kena meh pengelandik nya ba jalai ke betul ngambi bulih pemujur. Anang meda tusah lalu madah enda alah, angkat baru enti nyema teterap. Uji peda kita leka ujan, iya tetap muai diri ke baruh taja nemu bakani pemedih labuh.

-
Image
Jerita Pangking Mit Ibur jam 3 pagi, ensugau ku angkat dani, mata agi belala, bekimbitka panggal luncung mua, bebungkur enggau pua, agi deka ngapuska mimpi, memekang enda teantika tawas pagi. Udu ngasi ga tunjuk jari malam tadi, untak mansut, mulut minta saup, disangkung ulih patung, 20 jam pengelama, isakku ngipakka pengelelak, enda ngawa, lagu udu laku, mayuh urang nemu, mendingka radio ninga FULL SONG, ke udah nemu belagu, ke baru ngensung, pengerindu ari pangking mit, enda laka ruang sempit, engka tau mai ringgit, menang pekit, ada ari bilik mit. Enda besemaya aku badu, enda bejanji aku ngetu, enda nginsit, isa' seminit, buah penemu bejarit, penatai ngenyit, awak keh tubuhku tebasau, ku enda ibau, tiun ku lenyau, nya ngasuh irau, buah penemu mayuh agi ari jam, tang, there's never enough time !!! enti lagu tembu, tubuhku layu, ulah nyau tuyu, enda ku ensayau, ka iya jugau, lak mamau. Aku ka nyadi LAGENDA, baka...
Read more

Pun Ensurai Bebini udah 'nadai'.

-
Image
R.I.P  Pun ENSURAI BEBINI (12 Julai 2020) Tabi basa ngagai semua pemacha blog tu. Nama berita? Lama aku udah enda 'update' karang dalam blog tu. Nyadi sekali tu aku ka mai berita ke tau bendar ngenyinuka ati kita kelebih agi ngagai bala rakyat ke nguan menua sepemanjai ai Sungai Menuan. Ba entri ke dulu ari tu aku kala nulis jerita ti bekenangka pun Ensurai Bebini. Tang diatu bala ke bisi mansa alai pun kaya tu tumbuh kena 12 Julai 2020 madahka "seduai" iya diatu badu 'beberap' enggau pangan diri. Ba gambar di atas kita tau meratika gaya pengerebah seduai, datai ke pengujung 'seput' meh seduai gauk serta rinduka pangan diri. Enti kitai mensia kada pengerindu ke dipadu ulih tan lama? Kada kitai semampai sayauka bini laki diri empu taja pengidup semampai bisi musin landas, musin kemarau? Kada kitai nakal menyadi? Kredit: Gambar diambi ari FB Pengajar Mary ak Linting https://www.facebook.com/photo.php?fbid=3453669578018525&set=pcb.3453669...
Read more

beserara enggau Tuai ti lama, nerima penatai Tuai ti baru

-
Image
Gambar grafiti Tok Nan ba flyover Jalan Satok  Tok Nan Enti aku tegigaka Ini Inda Rabung Menua, Deka aku ngasuh iya ngadaka nuan ari kelitak darah mensia. Enti pengada nuan baka Raup Gama menyadi Bintang Muga, Deka aku ngasuh Raja Petara negah nuan ngambi ngeleda. Enti pun pengidup nuan ari perecik api, Bejalai meh aku nyidi Dayang Racha ba selampur nenggeri. Enti pemati anak Engga disili enggau Berauh Ngumbang, Deka aku nguang ke sebayan betemu enggau Lulung seduai Kumang. Tang utai udah nyadi, Naka tu aja nuan begulai enggau kami, Lama Petara udah nganti, Meri awak ke nuan ga belelak gali, Semengat nuan angkat melah langit tinggi, Kami ba baruh semina ulih besampi, Kemataka meh tanah kami, Tela, peda meh menua kami. Sapa ke nyadi ganti dipinta sama pemerani, Tauka lebih ransing agi, Laban menua kitai tu suah enda dikenati, Perintah besai balat beciping ati, Ngicaka tuai ke baru enda alah dikemeli, nitihka tunjuk jari gerempung dacin simpi, Tuai ke udah rebah mai may...
Read more