"enda rugi urang ke manah budi, enda untung urang ke jai ati".

Tikas pemandai, pengelandik mensia siku-siku enda sebaka. Taja ngembuan tikas pelajar ti tinggi ukai reti kitai tu nemu ngereja sereta meretika semua utai. Penemu bemacham rama, pemandai beribu gaya. Bisi sukut pengawa enggau buah runding kitai jauh alah tauka tinggal mimit ari enggi urang. Nya alai enti kitai ngembuan penemu anang sumbung anang enggai bedua enggau pangan. Pia mega enti bisi pengawa enda ulih dikereja kitai, nadai salah kitai minta tulung minta bagi penemu ari urang ke landik agi ngichaka pengawa ti deka dikereja enda tejanggal.  Aram kita meratika lalu berundingka pengelandik aya siku tu. Dini meh iya teulihka penemu meri tambah nilai ngagai perengka pengangkut bakatu. Endang amai, motosikal ukai semina dikena ngundan mensia tang mega tau dikena ngundan barang. Ke suah peda kitai, motosikal ke suah diandalka ngundan barang iyanya motosikal  roda tiga  munyi ku jaku Laut. Tang penggi aya siku tu nyelai mimit. Kreatif enggau inovatif. Moto iya digaga...

P uang ditampil kusang, Gegaring gali enda bekelambi, Idup enggau mati ngepit ari tisi, Ni bagi patut dikerari? Pemedis ti nantai, penyakit ke datai,  Natak pengerindu urang ke nyenguk. Sebana meraya, Lebuh sakit enda bepengerai, Bala temu pemayuh, ni penyampau tubuh, Bakih damping, kaban jauh, Menih ngena pengasih, dinah baja manah, Apin temu deka bebuah. Nuju nuan ke Siku, Padah enggau nenak, Kemaya ujung awak,  Dini alai penyangkai, Arapka tua begulai.

 Nemu kita utai nyelai ba gambar datas tu? Enda nemu? Uji peda lalau jematan nya. Sepiak apus digaga, lalu sepiak timpang, enda tembu. Mekang-mekang. Nyelai tang amat nyadi. Kati tau nyadi bakanya kitai pan enda nemu. Engka budget enda chukup tauka tama kambut tanchut.  Nyadi 'Beruang' ke ba gambar datas tu ukai jelu tang nama urang. Haha. Nyelai tang amat bisi.  Ba tengah laman bisi 'badminton court' alai bala nembiak bemain lebuh lemai ari. Lalu rumah ke beatap gadung sepiak court nya Taska.  Nyelai kini? Kami di Ulu Menuan ngaga bata kediri enda bebelika batu bata ari pasar. Kebuah pia, pedis ka ngundan ya ngena perau kelebih agi enti ai langkang. Lebuh ai besai pan enda entu ulih angkut sekali batu bata ari pasar.  Perau niang aki. Isi ya agi badas. Empai bisi ari nyeruri.  Aki Sunan menyadi niang aki Liban (enda bebaju).   Langkau alai bebantaika barang lebuh datai ari pasar/umai/bejalai. Langkau tu mega...

Pun ensurai bebini.  Endur: Ulu Sungai Menuan, Kapit, Sarawak. Nyelai tang amat bisi nyadi. Kala kita meda pun kayu nemu besulu, nemu rinduka pangan diri baka kitai mensia? Utai ke nyelai tu nyadi di Ulu Menuan ba pelilih menua Kapit. Sepun di seberai mua ke kiba, sepun da mua ke kanan, baka ke beberap. Enda nyalah baka kitai mensia ti lama enda betemu lalu gauk enggau pangan diri. 

Kaban ti manah tusah amai digiga. Mayuh semina rindu maya kitai senang, lalu enda temu rita maya kitai bulih penusah bisi tasah. Bejimat meh milih baik pangan tauka kaban, sekeda semina deka beambi ulih.

Tari secangkir kupi Aku apin ulih lelap Mulut nguap Api kekulap Mensia reradak, ukui nyalak Minta tulang Mensia beperak minta tuak Ke nguan langkau Ke ngibun rimau Ngelanggak jebul arak Mapaka ai bia Nuntum butul jebum Pending bengal Rang sedandang Jam dekuan pukul satu Rami empai ngetu Bepantil siku-siku Sepiak nya api Di bilik aku ai Nadai ga batang pengawa Enda tau meda ari 5 ujung minggu nupi nyawa Enda tau betugung Ngiga tung Sapa ke chung Deka aku nukangka rang, Auh nyawa tekait di batang rekung, pengering nadai ga dianjung Enggai nyadi buyah nutu api Nganjung paung empa jani Tari ku ambi Secangkir kupi Disirut lubah-lubah Nangi kena panjah Pengeringat nambah Pending tejal taya Apas richah sida. Kredit gambar: Instagram @enserapengidup.  Link: enserapengidup Ggr89 19/4/2018 12.33a.m